Shërbimi Korrektues i Kosovës ka njoftuar sot për vdekjen e oficerit Fatmir Bicaj, duke shprehur ngushëllimet më të sinqerta për familjarët dhe kolegët e tij.

“Në emër të Shërbimit Korrektues të Kosovës dhe në emrin tim personal, i shpreh ngushëllimet më të sinqerta familjes Bicaj, kolegëve dhe të gjithë atyre që e njohën dhe e vlerësuan përkushtimin e tij dhe profesionalizmin shembullor”, thuhet në reagim.

Më tej, SHKK ka vlerësuar lart kontributin e tij në shërbim të institucioneve të vendit:
“Fatmiri ishte model i ndershmërisë, përkushtimit dhe shërbimit të palëkundur ndaj institucioneve të vendit. Kontributi i tij i çmuar do të kujtohet gjithmonë me respekt dhe mirënjohje”.

“Në këto çaste të dhimbshme, jemi pranë familjes me zemër dhe në lutje. I qoftë i lehtë dheu i Kosovës”, përfundon njoftimi.